რა არის ERA ტესტი და რა შემთხვევაში შეიძლება გამოვიყენოთ ის
რა არის ERA-ტესტი?
- ERA (Endometrial Receptivity Analysis ) ტესტი – წარმოადგენს ენდომეტრიუმის რეცეფციულობის შემსწავლელ გენეტიკური კვლევის მეთოდს, რომლითაც შესაძლოა განისაზღვროს საშვილოსნოს ღრუში ემბრიონების გადატანისთვის ყველაზე ოპტიმალური პერიოდი, ე.წ. იმპლანტაციის ფანჯარა
რა არის იმპლანტაციის ფანჯარა?
- ეს არის პერიოდი, დრო, როდესაც საშვილოსნოს ღრუს ამომფენი შრე ე.წ. ენდომეტრიუმი მზად არის მიიღოს ემბრიონი.
- იმპლანტაციის ფანჯარა ინდივიდუალურია სხვადახვა პაციენტისთვის, რაც იმას ნიშნავს რომ ენდომეტრიუმისმიერ ემბრიონის მიმაგრების დღეები არ არის ფიქსირებული/ერთიდაიგივე, უფრო მეტიც, საშუალოდ 10 დან 3 პაციენტში გადანაცვლებულია და შეიძლება იყოს ადრეული ან გვიანი. (Igenomix lubs; Spain)
- სწორედ ამიტომ, გაჩნდა ERA-ტესტის გამოყენების საჭროება – იგი სწავლობს ენდომეტრიუმის რეცეფციულობას, კერძოდ რამდენად მზად არის იგი ემბრიონის იმლპანტაციითვის კონკრეტულ დღეებში და მიღებული შედეგის მიხედვით, წინასწარ იგეგმება ემბიონის გადატანის დღეები.(Igenomix lubs; Spain)
რა შემთხვევაში ტარდება ERA-ტესტი?
- ძირითადად საჭიროებენ ის პაციენტები (RIF), რომელთაც მინიმუმ 2–ჯერ ჩაუტარდათ მორფოლოგიურად კარგი ხარისხის ემბრიონის/ების გადატანა საშვილოსნოს ღრუში, ექოსკოპიური კვლევით ნორმალური, კარგი სტრუქტურის ენდომეტრიუმის ფონზე და ორსულობა არ შედგა.
რამდენად ზრდის ორსულობის დადგენის ალბათობას ERA-ტესტი?
- ERA – ტესტის ჩატარება პაციენტთა მიზნობრივ ჯგუფში, ორსულობის შანსს საშუალოდ 15– 20 % – ით ზრდის. ( Igenomix lubs; Spain)
თემის ავტორი : რეპროდუქტოლოგი, თსუ-ის დოქტორანტი , ინ ვიტრო განაყოფიერების განყოფილების ხელმძღვანელი – ლელა ირემაძე ლელა ირემაძე