ორშაბათი - პარასკევი 9:15 - 18:00

შაბათი 10 - 14

+ 995 322 22 00 65

info@sabakhtarashviliclinic.ge

ლუბლიანას 2/6

დიღომი, თბილისი

შემოგვიერთდით

in vitro

ვიბრძოლოთ შვილიერებისთვის

ჩვენს ჟურნალში არაერთხელ დაგვიწერია უნაყოფობასა და მისი დაძლევის გზებზე. როდესაც პრობლემა სხვანაირად ვერ გვარდება, თანამედროვე მედიცინა წყვილებს ხელოვნურ განაყოფიერებას სთავაზობს. მრავალი ქალი სწორედ ამ გზით ხდება დედა. საზოგადოების ნაწილი ხელოვნურ განაყოფიერებას ეჭვის თვალით უყურებს, თუმცა ჩვენი მიზანი ამჯერად საკითხის ეთიკური მხარის განხილვა არ არის, მის სამედიცინო მხარეზე კი ზურაბ საბახტარაშვილის რეპროდუქციული კლინიკის ექიმი რეპროდუქტოლოგი ქეთევან კაკაშვილი გვესაუბრება.

ვრცლად

სამშვილიანი ოჯახი მემკვიდრის ძიებაში თანამედროვე In Vitro ტექნოლოგიას იყენებს

In Vitro  განაყოფიერება  საკმაოდ გავრცელებული და პოპულარული მეთოდია, რასაც  მსოფლიო სტატისტიკაც ცხადყოფს –   მისი  დანერგვიდან დღემდე  4 მილიონამდე ბავშვი მოევლინა ჩვენს სამყაროს.  In Vitro  განაყოფიერებამ უდიდესი როლი შეასრულა უნაყოფობის პრობლემის გადაწყვეტაში. მაგალითისთვის ისიც საკმარისია, რომ მისი ერთ-ერთი მეთოდი საშუალებას იძლევა, თუნდაც ერთი ნორმალური სპერმატოზოიდის არსებობის შემთხვევაშიც კი განაყოფიერდეს კვერცხუჯრედი და ორსულობა შედგეს. ბოლო წლებში In Vitro   განაყოფიერება ჩვენს ქვეყანაშიც  აქტუალური გახდა,  საქართველოში  უკვე  ბევრი  კლინიკა არსებობს, სადაც In Vitro  განაყოფიერების  თანამედროვე მეთოდებს იყენებენ.
ისტორია, რომლის შესახებაც ზურაბ საბახტარაშვილის რეპროდუქციულ კლინიკაში მისულმა  შევიტყვე, ნამდვილად არაორდინარული და განსაკუთრებულია. კლინიკას, რომელიც უშვილობის პრობლემის გადაწყვეტაზე წარმატებით მუშაობს და In Vitro  განაყოფიერების თანამედროვე მეთოდიც აქვს დანერგილი, მიმართა  ცოლ-ქმარმა, მათ სამი შვილი და ორი შვილიშვილი ჰყავთ. ქალბატონს ჯანმრთელობასთან დაკავშირებული პრობლემის გამო კიდევ  სასურველი მემკვიდრის გაჩენა აღარ შეეძლო, ეს მხოლოდ  In Vitro  განაყოფიერების გზით იყო შესაძლებელი…
არსენ გვენეტაძე (კლინიკის დირექტორი, პროფესორი): ეს წყვილი იმ მრავალრიცხოვან წყვილთა შორისაა, ვისაც   ჩვენს კლინიკასთან მეგობრული ურთიერთობა აქვს. ეს ის  შემთხვევაა, როდესაც   ბუნებრივი ორსულობა ვერ შედგება, რადგან ქალბატონს საშვილოსნოს გარე ორსულობის გამო კვერცხსავალი მილები  რამდენიმე წლის წინ აქვს ამოკვეთილი.  ამ ადამიანებს  სურდათ, სწორედ ჩვენს კლინიკაში გაეკეთებინათ ინ In Vitro განაყოფიერება, რაც, ვიმედოვნებთ, წარმატებით განხორციელდა რამდენიმე დღის წინ.
– როგორც ვიცი, ამ ოჯახს სამი ქალიშვილის შემდეგ ვაჟის დაბადება სურს. შესაძლებელია,  In Vitro  განაყოფიერების  დროს  სქესის  წინასწარ განსაზღვრა?
–  კანონმდებლობა კრძალავს წინასწარი გადარჩევით სქესის შერჩევას. მაგრამ, თუ გავიხსენებთ საქართველოს მონაცემებს,  რომლებიც ევროსაბჭოს მონიტორინგის ინფორმაციაზე დაყრდნობით ვრცელდება, რომ ყოველ ას ახალშობილ გოგონაზე  ას თერთმეტი  ვაჟი მოდის,  თუნდაც ამ ფაქტის გათვალისწინებით, ამ კონკრეტულ შემთხვევაში, ვაჟის დაბადების ალბათობა ხომ საკმაოდ მაღალია.
– საინტერესოა, ხშირად ამართლებს თუ არა In Vitro  განაყოფიერება პაციენტების იმედებს?
– ამერიკის შეერთებული შტატების დაავადებათა კონტროლის ცენტრის მონაცემებით,  ხელოვნური განაყოფიერების წარმატების შანსი დაახლოებით  35-40 პროცენტია,  რის შესახებაც  პაციენტი აუცილებლად  წინასწარ უნდა იყოს ინფორმირებული. მართალია, ადამიანები  ყოველთვის ვერ ვიპყრობთ  მწვერვალებს, მაგრამ თუ გაქვს შანსი, აისრულო სურვილი, აუცილებლად  უნდა სცადო. მხოლოდ ასე შეიძლება წარმატების მიღწევა.
ახლა კი ამ ისტორიის  დეტალებს  გიამბობთ, რომელიც ბოლოსთვის შემოვინახეთ. ამ ცოლ-ქმარს, რომელთა ვინაობასაც გასაგები მიზეზებისა და საკითხის დელიკატურობის გამო, არ ვასახელებთ, სამი ქალიშვილი ჰყავს.  უფროსი,  22 წელზე მეტისაა, უმცროსი კი – 6 წლის. უფროსი ქალიშვილი  უცხოეთში ცხოვრობს,  ის  ორი შვილის დედაა,  ყოველდღე რეკავს და შორიდან  გულშემატკივრობს მშობლებს. უმცროსი ქალიშვილი მშობლებთან ერთად  ზურაბ საბახტარაშვილის რეპროდუქციული კლინიკის ხშირი სტუმარია. მაშინ, როცა მშობლები ექიმის კაბინეტში სამედიცინო პროცედურას გადიან, ოჯახის ჯერჯერობით ყველაზე ნაბოლარა წევრი, ტკბილეულს მიირთმევს და  სანატრელი ძამიკოს მოვლინების მოლოდინშია.
ვნახოთ, როგორ დასრულდება სამშვილიანი ოჯახის მემკვიდრის ძიების ისტორია…
თამუნა ნიჟარაძე
ჟურნალი “თბილისელები”